Në fëmijëri, është pothuajse e pamundur të imagjinohet se mund të biem në gjumë pa ndonjë përrallë. Kjo nuk është një rastësi, se trupi i njeriut ka nevojë për një rutinë të caktuar që do të përgatisë atë për gjumë.
Nëse dëshironi të bëni një gjumë të mirë dhe të rehatshëm, atëherë ju duhet t’i ndryshoni zakonet para se të shkoni në shtrat. Pra ju duhet që ta përgatitni trupin tuaj për gjumë.
Disa ushtrime të lehta do t’ju çlodhin
Ju do të duhet të ndani vetëm dhjetë minuta për të bërë disa stërvitje të lehta. Ekspertët rekomandojnë joga, por duke pasur parasysh se çdo organ ka nevoja individuale, gjeni ushtrime që ju përshtaten. Përsëritja e tyre e përditshme, përveç dukjes së mirë, do të ndihmojë edhe procesin e tretjes së ushqimit.
Lini problemet për nesër
Edhe pse ekziston një thënie e vjetër e cila thotë: “Punën e sotme mos e lë për nesër”, problemet janë shpesh shkaku kryesor i gjumit të dobët. Këto probleme mund t’i shtyni ashtu duke i shkruar ato në letër ose t’i mbani mend, për t’i lënë për nesër. Do ta shihni se nëse nuk i keni në kokë këto probleme, atëherë gjumi juaj do të jetë vërtetë i rehatshëm.
Mos e sabotoni ëndrrën tuaj
Sa shpesh ju ndodh që të keni marrë telefonin tuaj për të kurdisur alarmin për ditën e nesërme, kurse një orë më vonë ju ende e mbani telefonin në dorë? Deri atëherë keni kontrolluar tashmë të gjitha email-at nga puna, keni përcjellë të gjitha postimet e reja në Facebook, kurse ndërkohë keni kuptuar se në televizion transmetohen episodet e reja të serisë tuaj të preferuar. Ndoshta do të ishte më mirë që të përcaktoheni për alarmin i cili nuk do të jetë joshës për të humbur një orë gjumë të çmuar.
Lini diçka të ëmbël për fund
Le te përmbajë shprehia juaj diçka të ëmbël, pak butësi. Le të jetë ajo kohë e kaluar së bashku me manarin tuaj, ose ledhatim me partnerin tuaj, apo ndoshta një bisedë me familjen tuaj në qoftë se jeni larg nga shtëpia.
