Gazetari Ylli Rakipi, sot, ka komentuar deklaratën kundra të kreut të PSD-së, Skënder Gjinushi ndaj thirrjes së Ramës për t’u tërhequr nga gara me 25 qershor.
Rakipi theksoi se kreu i PSD-së ka të drejtë që nuk tërhiqet, me arsyen se ka afruar pranë partisë së tij njerëz që marrin vota siç është Tom Doshi.
Sipas tij, Rama kërkon të realizojë një manovër për të hequr nga qafa një grerëz të madhe, duke iu referuar kështu aleatëve të vegjël.
“E majta duket më më e qartë në atë që kërkon, ndërsa PD i ka futur aleatët nën sqetullën e vetë. PS e bën këtë kërkesë për të mos i krijuar telashe vetes, që aleatët të mos jenë një grerzë e madhe në qafën e PS. Por nga ana tjetër Gjinushi ka një vlagë të së shkuarës, ka afruar njerëz të rëndësishëm që dinë të marrin vota. Do kandidojë Doshin për këtë parti. Kjo e bën të dallohet nga emrat e tjerë”,- tha Rakipi.
Mbetet për t’u kujtuar, se përveç Gjinushit edhe Paskal Milo, PDS-së, i ka kthyer përgjigje negative socialistëve.
