Ish Ministri i Drejtësisë Ylli Manjani, ka deklaruar në emisionin “Opinion” se reagimi i Policisë së Shtetit për arrestimin e Kastriot Myftarajt pas shkrimit për Vlahutin është i pa ligjshëm, jo proporcional dhe antikushtetues. “Nuk ka polici në një vend demokratik që të të fusin në burg për një shkrim, nuk ka, ta harroni”, ka thënë Manjani.
Manjani e ka konsideruar atë një shkrim jashtë etikës i cili nuk mund të bëhet ndaj një përfaqësuesi diplomatik, por sipas tij nuk mund të futesh në burg për një shkrim ku shpreh mendimin. Për këtë sipas Manjanit Prokuroria duhet të niste procedim penal për policët të cilët arrestuan Myftarajnë. “Nuk futesh në burg, aq më tepër nga policia, ku policia nuk të komunikon akuzë. Prokurori e ka liruar zotërinë sepse e ka gjetur arrestimin e tij të paligjshëm, por e ka lënë detyrën në gjysmë, duhet të niste procedimin penal për ata oficerë policie të cilët arrestuan atë”, është shprehur Manjani./opinion.al
