Në mes të diskutimeve të shumta mbi futbollistët e kombëtares angleze, pas humbjes së turpshme kundër Islandës në fazën e 1/8-ave, me siguri që “rrëfimi i parfumit” të yllit të Liverpool Daniel Sturridge do të trazojë më shumë gjakrat e tifozëve britanikë. Sulmuesi zbulon për revistën GQ, se ai hedh parfum mbi bluzën e tij në prag të ndeshjeve sepse ka qejf të mbajë erë të mirë gjatë ndeshjes.
Daniel Sturridge u aktivizua tre herë gjatë Evropianit. Madje në ndeshjen kundër Uellsit ai shënoi golin e fitores. “Njerëzit mbase mund ta quajnë të çuditshme, por mua më pëlqen të mbaj erë të mirë, dhe nuk më intereson se çfarë thonë njerëzit. Një aromë i tregon njerëzve se kush je, ashtu siç bën veshja.” Sturridge preferon edhe një krem që të mban lëkurën të njomë dhe ka shije luleshtrydheje.
