Janë duke shkruar historinë, por kjo nuk mjafton për truprojat e klubeve të natës në Britani. Futbollistët e Lestërit janë afër titullit kampion duke thyer çdo rekord me këtë arritje. Çdo ditë e më tepër mahnsin në fushë me shpirtin e garës dhe me rezultate, por nuk kanë të njëjtin raport me famën.
Ditën e shtunë, katër futbollistë të Lestërit, që kryeson renditjen e kampionatit, shkuan në një klub në Londër për të festuar ditëlindjen e 26 të mesfushorit Dani Drinkuotër. Por, plani nuk u shkoi ashtu siç e kishin menduar.
Truprojat nuk i lejuan që të futeshin, pasi jo vetëm që s’i njihnin, por ishin edhe të pashoqëruar me femra.
Drinkuotër ka diskutuar me ta për plot 45 minuta, por pa sukses. Jo vetëm që nuk arritën të futeshin, por panë edhe futbollistë të Totenhemit, mes të cilëve Hugo Loris, që kalonin lirshëm dhe futeshin brenda. Ishte ofenduese për yjet e Lestërit, të cilët në fund morën taksi dhe u larguan. Kjo ndodh vetëm në Angli
