Komuniteti artistëve me ngjyrë ndihen keq, pasi filmat të bërë nga njerëzit me ngjyrë janë përjashtuar nga lista e çmimeve Oscar.
I fundit është reperi Snoop Dogg, i cili e ka shfrytëzuar llogarinë e tij në Instagram, për të shprehur dëshprimin e tij për këtë çështje.
Ky reagim i tij erdhi pasi aktorja Jada Pinkett Smith dhe producenti Spike Lee, kanë deklaruar se do të bojkotojnë ngjarjen e përvitshme OSCAR, për shkak të diskriminimit të filmave të bëra nga njerëzit me “ngjyrë”.
Edhe moderatori Chris Rock është shprehur në Tëitter, kundër nominimeve në OSCAR.
Aktori amerikan, George Clooney, i cili është edhe fitues i çmimit OSCAR, ka akuzuar Akademinë e Çmimeve se “po lëviz në drejtim të gabuar”, duke thënë: “Për të dytin vit radhazi, asnjë aktor me ngjyrë ose pjesëtar i pakicave nuk është nominuar në kategorinë e aktorit ose aktores më të mirë të vitit.”
Presidentja e Akademisë së Çmimeve Oscar, Cheryl Boone Isaacs, ka deklaruar se do të rishikohin edhe njëherë nominimet së bashku me anëtarët e Akademisë, pasi shumë yje janë zotuar se do të bojkotojnë ceremoninë e ndarjes së çmimeve OSCAR, që do të mbahet muajin e ardhshëm më datën 28 Shkurt.
