Ditën e sotme, Xhensila Myrtezaj dhe Bes Kallaku festojnë 2-vjetorin e martesës së tyre. Besi e nisi ditën me një urim special për bashkëshorten e tij, teksa publikoi pamje nga dasma, duke thënë se ajo ishte dita e dytë më e bukur e jetës së tij, pas lindjes së Ajkës.
“Gëzuar përvjetorin e 2-të Xhensila Myrtezaj! Dita e dytë më e bukur pas lindjes së Ajkës”, shkruante ai duke bërë tag Xhensilën.
Mirëpo surpriza e vërtetë ka qenë ajo e Xhensilës, e cila ka përgatitur një dhuratë speciale për partnerin e saj. Këngëtarja ka përgatitur një darkë romantike me qirinj dhe lule në kopshtin e shtëpisë, duke e lënë pa fjalë Besin me gjestin e saj.
“Që ta dini ju, nuk bëjnë veç burrat surpriza, bëjmë edhe ne femrat.” -shprehet ajo teksa filmon Besin duke ecur drejt tryezës së shtruar.
Kujtojmë se një vit më parë, Xhensila dhe Besi u bënë prindër të vogëlushes Ajka, e cila është bërë kryefjala e jetës së çiftit./Opinion.al
