Tashmë, që edhe një tjetër sezon i suksesshëm i kabaretit të humorit “Portokalli” u mbyll me sukses, moderatorja e njohur e Top Channel, duket se i ka pozicionuar të gjitha energjitë e saj tek familja. Pas disa ditë pushimesh me kolegen, por edhe shoqen e ngushtë të saj Arbana Osmanin, është momenti i një tjetër etape të dytë pushimesh.
Kështu, vetëm pak minuta më parë Xhemi Shehu na tregoi përmes instastory-t resortin luksoz se ku është pozicionuar për të shijuar disa ditë pushimesh. Ajo ka preferuar jugun e Shqipërisë këtë herë, më saktë Sarandën si një destinacion që ofron shumë për argëtimin në bregdet.
Prezantuesja e njohur, si mama e dy djemve edhe njëherë sapo na konfirmoi që mbetet një nga femrat më simpatike të showbiz-it shqiptar. Me rroba banje, në një kënd të pishinës së resortit ku po pushon, Xhemi shfaqet në super formë fizike. Dhe nuk e teprojmë aspak kur themi që ajo është nga vajzat më cool shqiptare. Këto foto e vërtetojnë më së miri.
