Në orët e para të mëngjesit të sotëm është ekzekutuar me armë zjarri në aksin rrugor Lezhë-Milot, në afërsi të fshatit Gajush, efektivi i FNSH së Shkodrës, Xhulio Prela. 26-vjeçari është qëlluar me tre plumba të cilët i kanë shkaktuar vdekjen e menjëhershme.
Lidhur me këtë ngjarje “Abc news”raporton se i riu po udhëtonte drejt qytetit të Shkodrës për të dërguar një person me të cilin ka komunikuar në telefon. Policia deri më tani ka shoqëruar 15 perosna lidhur me vrasjen e efetktivit, ndërsa po mbldhje të gjitha pa,mjet filmike të kamerave të sigurisë të bizneseve përgjatë aksit rrugor Lezhë-Milot.
Sipas informacioneve, xhami i përparmë i makinës në anën e pasagjerit është konstatuar i hapur, duke hedhur dyshime se viktima mund të jetë takuar me autorin e vrasjes, pasi gjuajtja ka qenë shumë afër.
Gjithashtu, nuk përjashtohet nga pista e hetimit se vrasja mund të ketë ndodhur dhe për shkak të detyrës së 26-vjeçarit. Ndërkohë, mësohet se autoritetet kanë mundur të identifikojnë automjetin me të cilin është larguar autori dhe po punojnë për arrestimin e tij./ Opinion.al
