Në përfundim të mbledhjes së Komisionit të Reformës në Drejtësi, kreu i këtij komisioni, Fatmir Xhafaj deklaroi se vijojnë negociatat për të gjetur rrugën e konsensusit për reformën në drejtësi.
Xhafaj theksoi se kjo nuk ishte mbledhja e fundit e këtij Komisioni pasi priten të tjera diskutime.
“Faleminderit për kontributin në gjithë këtë proces të gjatë e të vështire. Kjo është mbledhja e fundit para seancës, Por nuk besoj se do jetë e fundit, pasi mbledhja e sotme ishte procedurale, për raportin. Kjo ishte detyra që do duhej të bënim për ti hapur rrugë rendit të ditës e përcaktuar për ditën e enjte, siç e bëri publik edhe kryetari i Kuvendit, Meta, ku do të jetë si pika e parë e rendit të ditës: ndryshimet kushtetuese. kemi hequr një pjesë të neneve në gjithë këtë diskurs politik. Kemi reflektuar edhe progresin e deritanishëm; formulën hibride”-tha Xhafaj.
Xhafaj gjithashtu i bëri thirrje opozitës që të reflektojë në këto orë që kanë ngelur për të votuar reformën në drejtësi.
