Reforma në drejtësi nuk ka kaluar pa diferenca të mëdha qëndrimesh mes dy aleatëve të qeverisjes, PS dhe LSI.
Këtë e pohon edhe kreu i Komisionit për Reformën në Drejtësi, Fatmir Xhafaj.
Xhafaj ka shprehur në emisionin “Kapital” në Vizion Plus se në këtë fazë të qeverisjes nuk sheh një funksionim normal të aleancës.
“Kur flasim për marrëdhëniet mes dy forcave kryesore që përbëjnë mazhorancën, unë nuk mendoj që lidhet aq shumë me ketë gjë në vetvete se sa me probleme të nevojës për një funksionim shumë më të mirë se deri tani të mazhorancës dhe të raporteve ndërmjet dy forcave kryesore politike të mazhorancës. Nuk kam pse ta fsheh që nuk shoh një funksionim normal, nuk shoh një marrëdhënie të shëndetshme në këtë fazë, pas 3 vitesh të funksionimit të kësaj aleance.”-tha Xhafaj.
