A ju kujtohet Xhemil Haluli? Polici “hero” që shërbeu 45 vite në Rrugore dhe ditën që doli në pension (26 Maj 2016), ish-ministri Saimir Tahiri i organizoi një ceremoni të veçantë duke i dhuruar edhe motorrin e policisë. (videoja më poshtë)
Por, pas afro dy vitesh, Xhemili nuk është më polici që shërbeu me devotshmëri dhe aq më pak të meritojë dhuratën. Me ardhjen e Fatmir Xhafës në drejtim të Ministrisë së Brendshme gjërat kanë ndryshuar për keq, jo vetem për Tahirin por edhe për “heronjtë” e tij.
Me urdhër të drejtorit të Policisë Rrugore të Tiranës, policit pensionist, Xhemil Haluli do ti merret motorri që i dhuroi Tahiri dhe ish-drejtori Haki Çako.
Urdhëri është firmosur me 16 Mars të këtij viti nga Shefi i Policisë Rrugore të Tiranës, Erjon Ahmeti. Aty thuhet se motorri i është dhënë Xhemil Halulit në shkelje të ligjit. Këto shkelje janë konstatuar nga një audit i Policisë së Shtetit në dhjetor 2017.
Kësisoj, Shefi i Rrugores kërkon që polici pensionist të ktheje motorrin në të kundërt do të gjobitet aq sa është vlera e motorrit.
/Opinion.al
Video e 26 Majit 2016
