Paraditen e sotme Olta Xhaçka i ka dorëzuar detyrën Niko Peleshit, i cili nga sot merr drejtimin e ministrisë së Mbrojtjes.
Xhaçka, e cila sot mori detyrën e ministres së Jashtme, u shpreh se Niko Peleshi do të përmbyllë me efikasitet punët e lëna përgjysmë në ministrinë e Mbrojtjes. Një projekt i tillë ishte edhe projekti për krijimin e një baze detare të NATO-s.
Ajo falënderoi bashkëpunëtorët e saj, teksa shtoi se Forcat e Armatosura kanë një ardhme të ndritur.
“Kur je në detyrë si kjo s’ke kurrë kohë ndaj çdo ditë e çdo orë duhet të punosh për të realizuar projektet që ke. Që kur të vijë dita të largohesh të jesh e qetë që ke merituar një resht në Forcat e Armatosura. FA e meritojnë një monument të tillë kujtese institucion me histori të jashtëzakonshme dhe të ardhur të ndritur. Sot janë familja ime, kam pasur mundësi të kem kolegë dhe bashkëpunëtorë të mirë, i falënderoj të gjithë se gjithë sa kemi bërë në këto vite u bë e mundur falë punës së përbashkët. Një falënderim të veçantë dua ta bëj për njerëzit e mi të dashur ,me Shefin e Shtabit, gjeneral Bajramin, një njeri që ia ka kushtuar jetën FA, bashkë me të çdo gjeneral. Ndjehem jo pak e trishtuar që po ndahem nga ju dhe kjo detyrë, por ndjehem aq mirë që ia kemi dalë të bëjmë punë të mira. Kemi kaluar momente të vështira, tërmet, pandemi, zjarre, përmbytje por kurrë nuk i latë vetëm qytetarët shqiptarë, burrat dhe gratë me uniformë ishin aty në çdo moment. Sot FA gëzojnë respektin dhe vlerësimin e partnerëve tanë ndërkombëtarë, djemtë dhe vajzat tona në misione meritojnë sot mirënjohjen më të thellë. Jam e lumtur se jo thjesht rritëm pagat, padrejtësi e vitit 2013 por se të gjithë burrat dhe gratë e meritojnë dinjitetin. Së shpejti do të përfundojë baza ajrore e Kuçovës që do të transformojë rëndësinë strategjike të Shqipërisë. Ende i paplotësuar, por i mirëpritur ishte edhe projekti për bazën detare të NATO-s në Shqipëri shpresëplotë që edhe ky projekt do të bëhet realitet. Sot jam e lumtur që ia kaloj stafetën një kolegu një miku të mirë dhe jam i sigurt që do jetë efikas dhe punëmbaruar ashtu siç ka qenë në drejtimin e çdo institucioni. Suksese i dashur Niko!”– u shpreh Xhaçka./Opinion.al
