Linja ajrore europiane low-cost Wizz Air planifikon të rifillojë fluturimet nga Viena më 1 Maj, sikurse ka bërë me dije zv.shefi ekzekutiv i kompanisë Stephen Jones. Ai tha se kompania ajrore po synon të ofrojë fluturime në rreth 20 destinacione, duke përfshirë edhe Milanon, Valencian apo Tel Avivin, pavarësisht masave shtrënguese të udhëtimit, të ndërmarra për shkak të pandemisë. Nga ana tjetër pas koronavirusit, kompania planifikon të ndjekë strandarde të tjera që respoektojnë protokollet e higjienës dhe distancimit social në fluturim.
Shefi ekzekutiv i “Wizz Air” Josef Varadi tha: “Industria duhet të realizojë distancimin social. Përgjatë muajve të parë avionët nuk do të mbushen plot. Ne presim protokolle të reja të higjienës. Një nga çështjet do të jetë ambjenti në aeroport. Njerëzit kalojnë shumë kohë në aeroport. Jam i sigurt se do të ketë protokolle. Ne jemi në kontakt me Agjencinë Europiane të Sigurisë së Aviacionit lidhur me çfarë do të ndodhë. Ne po fluturojmë sot me 3% kapacitet. Më 1 Maj do të kemi të paktën 10% të fluturimeve./Opinion.al
