Arsenal po lëviz seriozisht për të marrë futbollistin e Borussia Monchengladbach, Granit Xhaka, teksa sipas shtypit gjerman Arsene Wenger ka pasur kontaktet e para me përfaqësuesit e futbollistit me gjak shqiptar që luan për përfaqësuesen zvicerane.
“Topçinjtë” e kërkuar Xhakën gjatë merkatos së janarit, por transferimi i tij ishte i komplikuar për shkak të shumës që kërkon skuadra gjermane.
Granit Xhaka ka luajtur 128 ndeshje me Borussia Monchengladbach
Megjithatë, Arsenal nuk e braktisur pistën që çon te ishfutbollisti i FC Bazel dhe Arsene Wenger është takuar me babanë e futbollistit Ragip Xhaka dhe menaxherin e zviceranit Andy Gross. Sipas portalit online “RP”, francezi ka mësuar se cilat janë kërkesat e futbollistit dhe të klubit të Borussia Monchengladbach.
Mendohet se çmimi i Granit Xhakës, ose të paktën ajo që pretendon klubi gjermane, është 50 milionë euro dhe futbollisti nuk e ka fshehur kurrë dëshirën për t’u transferuar në Premier League, ku Arsenal do të ishte një “vitrinë” e jashtëzakonshme. 23vjeçari është gjithashtu edhe në planet e klubit të Liverpool, pasi është kërkuar nga trajneri Klopp që e ka identifikuar lojtarin me gjak shqiptar si e ardhmja e mesfushës.
