Washington Post ka bërë një reportazh për ata që duan të vizitojnë vende të reja, në këtë rast ata flasin edhe për Kosovën.
Në këtë shkrim ata përfshijnë Muzeun Etnografik në kryeqytet, ku shkruajnë për këpucët e drurit që datojnë nga shekulli i 18’të, e të cilat gjenden në këtë muze.
Muzeu, një ish-shtëpi e një feudali në shekullin 18’të, i përkiste një familjeje të pasur shqiptare gjatë sundimit otoman.
Në këtë shkrim padyshim që përmendet edhe lufta në Kosovë.
“Ashtu si shumë amerikanë që vizitojnë Kosovën për herë të parë, në vëmendjen e tyre është vazhdimisht lufta që ka ndodhur gjatë viteve të 90’ta”, shkruan Washington Post, transmeton Gazeta Express.
Washington Post shkruan edhe për çmimet e lira në Kosovë, duke përmendur restorantin “Pishat” në Prishtinë, e deri tek bujtinat e thjeshta në kryeqytet.
Ky shkrim ka për qëllim nxitjen e vizitorëve të huaj ta vizitojnë Kosovën.
“Tani mund të jetë koha ideale për ta vizituar Kosovën, para se fluksi i madh i europianëve ta kaplojë vendin”, shkruan Washington Post.
Nuk mbeti pa u përmendur edhe Prizreni, ku përmendet edhe Festivali i Filmit “Dokufest”, i cili padyshim po tërheq mijëra vizitorë ndërkombëtar e vendorë çdo vit.
