Lulzim Basha u pyet ditën e sotme nga gazetarët në lidhje me vulën dhe logon e PD-së.
Gjatë konferencës që zhvilloi me mediat, ai tha se është kryetari i PD-së me vendim nga institucionet parlamentare, ndërsa shtoi se është zgjedhur si i tillë më 29 korrik.
“Vendimi i Gjykatës së Lartë është në përputhje me atë të Apelit. Nuk mund të shpreh asgjë përveç se kënaqësi dhe i bëj thirrje për zbardhjen e vendimit, të plotë.
Vetë gjykata e Tiranës do ju vërtetojë që kryetari i PD është Lulzim Basha. Nuk e kam thënë unë që jam kryetari i PD por institucionet përkatëse. Jam kryetar i zgjedhur më 29 korrik.”, u shpreh Basha./Opinion.al
