Pas përfundimit të konferencës së përbashkët, presidenti serb Aleksandër Vuçiç ka postuar një foto në rrjetet sociale krah kryeministrit Edi Rama.
Në postimin e tij në “Facebook”, Vuçiç shkruan se marrëdhëniet politike mes vendeve janë përmirësuar përmes nismës “Ballkani i Hapur” dhe se Edi Rama është gjithnjë i mirëpritur në Serbi.
“I urova mirëseardhjen Edi Ramës. Pas dekadash heshtjeje në marrëdhëniet ndërmjet Serbisë dhe Shqipërisë, por edhe serbëve dhe shqiptarëve, ne të dy filluam të ndryshonim trashëgiminë e keqe politike. Në vitet e mëparshme kemi treguar me rezultate konkrete se vendet tona mund të ecin përpara dhe të zhvillohen më shpejt, patëm marrëdhënie më të mira politike prej iniciativës “Ballkani i Hapur”. Edi Rama është gjithmonë i mirëpritur në vendin tonë dhe Serbia do të bëjë çmos që gjithmonë të zhvillojë marrëdhënie të sinqerta miqësore me Republikën e Shqipërisë”, shkruan Vuçiç./Opinion.al
