Presidenti i Serbisë, Aleksandër Vuçiç, ka folur lidhur me tensionet në Veri të Kosovës në një intervistë për CNN.
Vuçiç thotë se Serbia i ka zbatuar të gjitha detyrimet ndërkombëtare nga Marrëveshja e Brukselit, ndërsa Kosova nuk ka bërë të mundur krijimin e Asociacionit të Komunave me Shumicë Serbe.
Presidenti i Serbisë ka theksuar se që nga ardhja në pushtet e kryeministrit të Kosovës, Albin Kurti, ka pasur 353 sulme me motive etnike ndaj serbëve, duke shtuar se ky është numri më i madh i incidenteve të tilla që nga shpallja e pavarësisë së Kosovës.
“Vetëm këtë vit ka pasur pesë të shtëna kundër civilëve të kombësisë serbe. Serbët duan vetëm siguri dhe siguri për veten dhe familjet e tyre”, tha Vuçiç.
