Kryeministri i vendit Edi Rama është takuar sot me presidentin serb Aleksandër Vuçiç dhe me kryeministrin e Maqedonisë së Veriut Dimitar Kovaçevski në Verona të Italisë ku po mbahet panairi i verës, më i madhi në Europë.
Në fjalën e tij, presidenti serb Vuçiç tha se është rritur niveli i tregtisë mes vendeve, veçanërisht mes Serbisë dhe Maqdonisë së Veriut, ndërsa foli për një sërë aktivitetesh që do të organizohen mes vendeve.
“Do doja të ftoja Shqipërinë dhe Maaqedoninë e Veriut ta ftojnë më shpesh Serbinë, siç ftoj shqiptarët të vizitojnë Serbinë dhe Maqedoninë e veriut dhe të përrfitojnë nga qasja miqësore e këtyre vendeve”, u shprehVuçiç.
Vuçiq tha se ka çështje për të cilat Serbia dhe Shqipëria nuk pajtohen, siç është çështja me Kosovën, por tha se “në vend që ta fajësojmë njëri-tjetrin duhet të flasim për ekonominë dhe marrëdhëniet më të mira mes shteteve”, bëjnë me dije mediat serbe.
“Ne kemi një politikë të përgjegjshme, siç bëjnë njerëzit seriozë, është e lehtë të marrësh pikë politike duke fyer dikë. Ne i dimë dallimet mes nesh, ne mund të jetojmë me këtë, sepse njerëzit tanë duhet të jetojnë me njëri-tjetrin. Unë besoj në miqësitë e ardhshme mes popullit serb dhe shqiptar dhe besoj se marrëdhënia është më e mirë se sa ishte falë miqve tanë shqiptarë”, tha Vuçiç, cituar nga Tanjug.
Vuçiç tha sot se në periudhën e ardhshme Serbia, Maqedonia e Veriut dhe Shqipëria ne kuader te Open Balkan, do të hapin të gjitha pikat kufitare për një ditë dhe do t’i lënë njerëzit dhe mallrat të qarkullojnë lirshëm për të treguar se kufijtë e hapur mund të funksionojnë.
“Muajin e ardhshëm do të takohemi diku në Serbi dhe kjo është shumë e rëndësishme, pastaj në qershor do të takohemi diku në rajon dhe ndërkohë do të hapim të gjitha dyert mes nesh. Do të hapim të gjithë kufijtë, të gjitha hyrjet dhe daljet mes nesh. Neve dhe t’u tregojmë të gjithëve se kufijtë e hapur mund të funksionojnë”, tha Presidenti i Serbisë në përgjigje të një pyetjeje të një gazetari të televizionit shqiptar, i cili i kërkoi Vuçiçit dhe Ramës të zbulojnë planet në kuadër të nismës Ballkani i Hapur për periudhën e ardhshme. Vuçiç tha se për këtë do të zgjidhej dita më e mirë dhe shtoi se ishte ide e kryeministrit Kovaçevski.
