Një burrë ka vdekur dhe dy të tjerë janë plagosur nga një sulm në qendër të Parisit.
Sulmi ndodhi pranë Kullës Eifel pak para orës 21:00 të mbrëmjes së djeshme.
Policia ka arrestuar një shtetas francez 26-vjeçar të dyshuar për ngjarjen, nga ana tjetër prokurorët e antiterrorizmit kanë hapur një hetim.
Personi i vrarë ishte një turist gjerman që punonte si infermier.
Ministri i Brendshëm i Francës Gérald Darmanin tha se viktima ishte me gruan e tij kur u sulmua dhe u godit me thikë për vdekje në Quai de Grenelle.
Dy personat e plagosur, një francez rreth 60 vjeç dhe një turist britanik, u dërguan në spital dhe ndodhen jashtë rrezikut për jetën.
Të plagosurit thanë se sulmuesi u dëgjua duke bërtitur “Allahu Akbar” dhe i tha policisë se ishte i mërzitur sepse “shumë myslimanë po vdesin në Afganistan dhe në Palestinë”.
Policia tha se i dyshuari ishte liruar nga burgu në vitin 2020 pasi kreu katër vjet për planifikimin e një sulmi dhe supozohej se do të ndiqte trajtimin për probleme psikiatrike.
Ngjarja vjen më pak se dy muaj pasi një mësues u vra në një sulm me thikë në një shkollë të mesme në qytetin verior të Arras, duke bërë që qeveria franceze të vendosë vendin në nivelin më të lartë të alarmit të sigurisë kombëtare./Opinion.al
