Aleksandër Bardhi, 47-vjeç, vëllai i ish-kryetarit të komunës Kaçinar (Mirditë) ka mbetur i vrarë me armë zjarri në fshatin Shëndëlli, Sarandë. Sipas një njoftimi të shpërndarë nga policia, rreth orës 00:35, në spitalin e Sarandës është dërguar një trup i pajetë nga i afërmi i viktimës. Dyshohet se ndaj Bardhit është qëlluar me armë kallashnikov nga persona ende të paidentifikuar.
Gjatë hetimeve paraprake dyshohet se ngjarja ka ndodhur afër fshatit Shëndëlli, përballë fshatit Vrinë, ku jetonte prej shumë vitesh familja Bardhi që ka migruar nga Mirdita në Sarandë. Personi që e ka shoqëruar viktimën në spitalin e Sarandës ka qenë djali i xhaxhait te tij.
Grupi hetimor po kryen veprimet e mëtejshme për sqarimin e rrethanave të ngjarjes. Policia ka ngritur pika kontrolli në rrugët kyçe rreth kësaj zone për rënien në gjurmë të autorëve me qëllim identifikimin dhe kapjen e tyre.
47-vjeçari është vëllai i Petrit Bardhit, ish-kryetar i komunës Kaçinar (tani njësi administrative e Bashkisë Mirdite).
Petrit Bardhi i PS-së njihet si person me precedente penal, pasi është arrestuar dy herë nga policia, për trafik droge dhe armëmbajtje pa leje.
Foto 1: Viktima Aleksander Bardhi, dale me aktorin Mirush Kabashi gjate nje aktiviteti ne Sarande
Foto 2: Ish-kryetari i Kaçinarit ne nje foto-proteste per mungesen e rruges ne kete zone malore te Mirdites.
