Një 24 vjeçar shqiptar është vrarë mbrëmë në Athinë, raportojnë mediat greke, ndërsa emri i tij nuk publikohet.
I riu u gjet nga kalimtarët në lagjen ‘Kypseli’ në kryqëzimin e rrugëve “Ipolitu” me “Patision”, raporton media greke news247.gr.
Shqiptari kishte plagë në trup të shkaktuara nga mjete të mprehta, por ka ndërruar jetë në ambulancë pa pasur mundësi të transportohet në spital.
Policia greke ka njoftuar familjen e 24-vjeçarit që ndodhet në Shqipëri. Nuk dihen ende shkaqet dhe motivet e ngjarjes. Dyshohet se vrasja ka ardhur pas një grindje për çështje personale. Policia greke ka nisur hetimet.
