Detaje të reja kanë dalë në lidhje me ngjarjen e rëndë në Volos të Greqisë ku një 50-vjeçar shqiptar vrau kunatin e tij 33-vjeçar shqiptar.
Mediat greke shkruajnë se viktima është Erjon Pelivani. Sipas mediave greke, 50-vjeçari e vrau kunatin e tij 33-vjeçar pasi zbuloi se ky i fundit i kishte përdhunuar vajzën 18-vjeçare për 9 vite.
50-vjeçar ka planifikuar gjithçka dhe i ka kërkuar kunatit të tij 33-vjeçar ndihmë për një problem mekanik për makinën.
Kur i riu ka shkuar, fillimisht mes të dyve ka pasur një debat të fortë dhe pas pak duke përdorur një shotgun, shqiptari e ka ekzekutuar Pelivanin. Më pas është vetëdorëzuar në polici duke rrëfyer krimin që sapo kishte bërë.
“Jam ai që ju telefonova më herët. Vrava një njeri. Vrava burrin që më helmoi fëmijën”, ka thënë ai.
Sipas asaj që shkruajnë mediat greke, 50-vjeçari kishte vendosur ta ekzekutonte kunatin mëngjesin e të martës, kohë kur vajza i zbuloi se ishte përdhunuar që prej moshës 9-vjeçare. Së fundmi, Jordanis Pelivani e shantazhonte vajzën se do t’i publikonte video dhe foto duke i kërkuar para.
Mediat sqarojnë se 33-vjeçari nuk ishte daja i vajzës. Gruaja e parë e 50-vjeçarit, mamaja e vajzës kishte vdekur vite më parë në një aksident rrugor. Ai ishte martuar për së dyti me motrën e 33-vjeçarit disa vite më vonë.
