Shtëpia e autorit të krimit të dyfishtë ndodhur në qendrën shëndetësore të Patosit më 19 dhjetor, është përfshirë nga flakët mbrëmjen e shkuar.
Zjarrfikëset e Patosit dhe policia kanë shkuar në vendin e ngjarjes por banesa është djegur plotësisht. Megjithatë, fatmirësisht nuk ka pasur të lënduar në njerëz pasi familja Skëndaj dyshohet se është larguar nga shtëpia menjëherë pas ngjarjes.
Kujtojmë se ish-gardiani i burgut të Fierit Martin Skëndaj, vrau dy të rinj më 19 dhjetor, të dashurin e motrës dhe kushëririn e tij, konkretisht Manol Rapaj dhe Elis Kapaj.
Shkaku i zjarrit nuk është bërë i ditur po policia po punon për zbardhjen e plotë të rrethanave./Opinion.al
