Sot i jepet lamtumira e fundit Gjeorgjia Muratit, 41-vjeçares që u vra nga partneri i saj dhe shoku i këtij të fundit. Ajo vdiq pas goditjeve me thikë natën e ndërrimit të viteve, ndërsa ishte në muajt e para të shtatzënisë.
Ceremonia mortore do të zhvillohet në orën 11:00 në një kishë në zonën e Ai Giannis në Kalamaria, Selanik.
Kujtojmë se 41-vjeçarja shqiptare, Gjeorgjia Murati u vra nga partneri i saj grek.
Ngjarja ndodhi natën e ndërrimit të viteve dhe partneri i saj 39-vjeçar është ndihmuar nga miku i tij 34-vjeçar.
Sipas mediave greke, 39-vjeçari ka gjithsej 45 dosje ndaj tij për raste të ndryshme, përfshirë rrahje, dhunë në familje dhe akuzën për përdhunim të motrës. Nga ana e tij, i pandehuri i dytë, 34 vjeç, pretendon se nuk dinte asgjë për aktin e vrasjes dhe se qëllimi i tij atë natë ishte grabitja e viktimës.
Ndaj dy të pandehurve është ngritur akuza për vrasje, ndërprerje të shtatzënisë dhe grabitje si dhe për armëmbajtje pa leje dhe përdorim të paligjshëm, ndërsa pas afatit që kanë marrë dje pritet që t’i kërkojnë falje hetuesit mëngjesin e së shtunës.
