Prokuroria e Tiranës ka përfunduar hetimet dhe ka dërguar në gjyq Darment Kelin, i cili vrau me thikë Amarildo Hoxhallarin, pasi ky i fundit i ngacmoi të fejuarën.
Kujtojmë se e gjithë ngjarja nisi kur viktima dhe miku i tij, Ardi Marishta, dyshohet se ngacmuan me fjalë një vajzë, veprim ky që u pa nga ballkoni nga Darment Keli i cili më pas u konfliktua me dy personat.
“Në konflikt e sipër, ky shtetas qëlloi disa herë me mjet prerës thikë, në pjesë të ndryshme të trupit, shtetasin A.H., duke i shkaktuar më pas atij vdekjen. Ky shtetas deklaroi se personat në fjalë ngacmuan të fejuarën e tij e cila ishte nisur të takonte një të afërmen e saj dhe pasi e pa tërë skenën nga ballkoni, ai zbriti duke marrë me vete edhe një thikë, teksa pranoi se në konflikt e sipër e goditi disa herë në krah dhe në pjesën e barkut”, njoftoi prokurori.
