Një 37-vjeçar është arrestuar nga Policia e Shkodrës pasi ishte shpallur në kërkim për vrasje.
Mësohet se në pranga ka rënë Maltin Gjini, banues në fshatin Kalivaç të Lezhës. Për 37-vjeçari, Gjykata e Pukës ka caktuar masën e sigurisë “Arrest në burg”, për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe shitja e narkotikëve”.
37-vjeçari akuzohet se më datë 27.09.2022, në fshatin Kurthpulë, Pukë, ka vrarë me armë zjarri Pjetër Kolën për shkak të mosmarrëveshjeve ndërmjet tij dhe viktimës, të cilët dyshohet se kanë qenë bashkëpunëtorë për kultivim të bimëve narkotike.
