LEZHE- Familjarët e një 15 vjeçari janë duke protestuar në dyert e Gjykatës së Lezhës, pasi kjo gjykatë bazuar në pretencën e prokurorisë dënoi me vetëm 5 vite burg vrasësin e djalit të tyre 15 vjeç.
Ngjarja ka ndodhur në 2010 kur ish-oficeri Skënder Seferaj ka qëlluar me armë ndaj 15-vjeçarit Armando Skandaj. Adoleshenti u vra gjatë një ndjekjeje të policisë.
Ngjarja sipas akuzës
Ardit Skandaj, vëllai i viktimës kishte vjedhur me armë tre shtetas malazezë në kryqëzimin e Kallmetit. Vjedhja, sipas Prokurorisë së Lezhës, kishte ndodhur më 15 korrik, ndërsa me 17 korrik, policia u vu në ndjekje të makinës së Skandajt dhe në Urën e Cenit ai ka çarë rrethimin, ndërsa policia u detyrua të qëllonte me armë mbi makinën.
Prokuroria thotë se u gjuajtën gomat e mjetit, por plumbat kanë devijuar duke kapur pjesën e pasme të makinës, ku ndodhej i ulur 15-vjeçari Armando Skandaj.
