Skënder Hoxha ka dhënë dëshminë e tij në polici për vrasjen e gruas gjatë orëve të para të mëngjesit të së martës në fshatin Vagalat të Memaliajt. Hoxha ka thënë se e qëlloi bashkëshorten e tij Antoneta pasi e tradhtonte.
63-vjeçari u tha hetuesve se kjo ishte dhe arsye pse ishin larguar nga Tirana për t’u rikthyer përsëri në fshat. Autori e ka goditur gruan e tij, nënë e katër fëmijëve, me levë në kokë dhe në trup.
Fillimisht Skënder Hoxha u tha fqinjëve se ishin persona të tjerë që e kishin vrarë, por pas disa orësh ai e pranoi krimin. Çështja tashmë po hetohet nga Krimet e Rënda.
Ndërkohë, megjithëse kanë kaluar më shumë se 24 orë nga ngjarja, nuk kemi ende një reagim të shoqatave për mbrojtjen e grave./Opinion.al
