Pas rreth 12 orëve në arrati, Lulzim Cuku është dorëzuar në polici. Mesnatën e kaluar ai vrau me thikë bashkëshorten e tij Manjola Cuku, pas një konflikti për motive të dobta.
Lexo edhe: FOTO/ Kush është burri që vrau gruan në Durrës, çifti kishte 3 fëmijë
Pas ngjarjes së rëndë ai u largua nga shtëpia ndërkohë që policia ushtroi kontrolle në disa vende ku dyshohej se mund të fshihej ai.
“Autori i dyshuar i ngjarjes, shtetasi Lulzim Cuku, si pasojë e trysnisë së Policisë është vetëdorzuar në Komisariatin e Policisë Burrel. Shërbimet e Komisariatit të Policisë Durrës po mbrrijnë në Komisariatin e Policisë Burrel për të shoqëruar autorin në DVP Durrës për veprime të mëtejshme.”, thuhet ne njoftimin e policisë.
Sipas policisë Cuku e ka qëlluar 3 herë me thikë bashkëshorten e tij 33-vjeçare pas një sherri për motive të dobëta. Skena e krimit ka ndodhur në prani të 3 fëmijëve të mitur të çiftit Cuku. 2 vajzat dhe djali 2-vjeçar kanë dalë nga dhoma pasi kanë dëgjuar sherrin mes prindërve, e më pas kanë parë skenën makabre gjatë së cilës e ëma e tyre ndërroi jetë. /Opinion.al
