Prokuroria në Shtetet e Bashkuara ka akuzuar Lewis Bennett, i cili është një shtetas i dyfishtë britanik dhe australian, për vrasjen e gruas së tij Isabella Hellmann në maj të vitit të kaluar në brigjet e Kubës.
Në dokumentet e paraqitura javën e kaluar, prokuroria aludon se z. Bennett, 41 vjeç, nga Poole Dorset, vrau gruan e tij për t’i dhënë fund “konfliktit martesor” midis çiftit.
Të porsamartuarit po lundronin për në shtëpi kur z. Bennett pretendon se u zgjua nga tingujt e një përplasjeje. Sipas tij ai u shpëtua sepse kërkoi ndihmë me radio, por gruaja e tij 41-vjeçare nuk ja doli dot.Trupi i saj nuk u gjet asnjëherë.
24 orë nga zhdukja e saj, Z. Bennett kërkoi që të vendoste për pasurinë e saj dhe kjo sipas prokurorisë nuk është normale në momentin që ke kaluar një shok të tillë.
Prokurorët besojnë se znj. Hellmann dhe i shoqi kanë debatuar dhe më pas ndodhi ajo që ndodhi.
“Ata kishin një sërë problemesh dhe kjo potencialisht çoi në një argument intensiv që rezultoi në vrasjen e Hellmann”, tha prokurori Benjamin Greenberg.
Dyshimet në të vërtetë prokuroria i nisi nga një sërë mesazhesh që viktima kishte këmbyer me Z.Bennet.
Ajo shkruante se në shtëpi gjente gjithmonë një njeri të nevrikosur dhe kishte frikë të kthehej . Viktima i ka kërkuar bashkëshortit të saj isa herë të mos ulërasë, bërtasë e shtyjë me forcë nga nervat.
Disa herë dëshpërimisht ajo ka kërkuar prej tij të gjejnë komunikimin e duhur dhe të kthejnë dashurinë për njëri tjetrin.Nga mesazhet e këmbyera kuptohet që cifti kishin probleme ekonomike dhe sociale.
