Maliq Marku, 70-vjeçari i cili vrau fqinjin Shefqet Hasa në Laknas pas sherrit për kanalin e ujërave të zeza, është marrë në pyetje nga policia.
Para autoriteteve, ai është shfaqur i penduar dhe ka deklaruar se viktima Shefqet Hasa dhe i plagosuri Bekim Keça e kishin ofenduar teksa ka shtuar se në gjaknxehtësi e sipër ka marrë armën dhe ka qëlluar ndaj tyre për vetëmbrojtje.
“Ngjarja ndodhi shumë shpejt, Shefqet Hasa dhe Bekim Keça më ofenduan. Kemi pasur mosmarrëveshje për kanalizimet kërkova që të sqaroja situatën. Në gjaknxehtësi e sipër mora armën dhe qëllova ndaj tyre. Qëllova për vetëmbrojtje, jam penduar për veprimin tim
Kujtojmë se ngjarja e rëndë ndodhi në Laknas ditën e djeshme. Maliq Marku qëlloi me 4 plumba mbi Shefqet Hasën, i cili ndërroi jetë si pasojë e plagëve të marra ndërsa me 2plumba ndaj Besnik Keqes. Ky i fundit ndodhet në spital jashtë rrezikut për jetën.
Të tre të përfshirët në konflikt jetonin në një lagje.
