Policia e Vlorës ka bërë me dije se është arrestuar autori i vrasjes së Armando Meshaut, 55 vjeç. Mësohet se në pranga ka rënë shtetasi Rei Mata 33 vjeç, banues në Tiranë.
Konflikti mes dy personave nisi në një pikë interneti, ku viktima dhe autori debatuan për pronësinë e një apartamenti. Ndërsa 55-vjeçari humbi jetën si pasojë e dhunës fizike të ushtruar ndaj tij.
“Në lidhje me ngjarjen e ndodhur rreth orës 11:45, në një qendër interneti, në lagjen “Hajro Çakërri”, ku gjatë një konflikti për motive të dobëta, ndërmjet 2 shtetasve, për shkak të dhunës fizike të ushtruar ndaj tij (goditjeve me grushte), humbi jetën shtetasi A. M., ju informojmë se:
Si rezultat i reagimit të menjëhershëm të shërbimeve të Policisë, u bë i mundur identifikimi, kapja dhe arrestimi i autorit të këtij rasti, shtetasit R. M., 33 vjeç, banues në Tiranë, i cili aktualisht është shoqëruar në ambientet e Policisë, për kryerjen e veprimeve të mëtejshme procedurale.
Në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, vijojnë hetimet për zbardhjen e plotë të rrethanave të kësaj ngjarjeje”, njofton policia./Opinion.al
