Mediat italiane kanë zbardhur detaje të reja nga vrasja e 27-vjeçares italiane, Vanessa Ballan, nga 41-vjeçari kosovar, Bujar Fandaj.
Mësohet se para se të vriste 27-vjeçaren, Bujar Fandaj i ka dërguar një mesazh bashkëshortit të së resë, Nicola Scapinello.
Sipas mediave italiane raportohet se së bashku me mesazhin, 41-vjeçari kosovar i ka dërguar dhe një video erotike të tij me 27-vjeçaren, të filmuar gjatë periudhës që ata kanë qenë të lidhur bashkë.
Pak kohë më parë autoritetet shëndetësore në Itali kanë publikuar autopsinë e bërë ndaj të resë, ku është zbuluar se para se të vritej, ajo është rrahur barbarisht nga 41-vjeçari.
Ajo ka marrë dy goditje në mushkëri, dhe më pas Bujar Fandaj e ka qëlluar me thikë në zemër, duke shpuar tej për tej organin jetësor.
Kujtojmë se 41-vjeçari ka goditur 8 herë me një thikë 20 centimetër të gjatë të renë italiane.
Shtatzënia e saj është konfirmuar gjithashtu, ajo kishte arritur afërsisht javën e dymbëdhjetë të shtatzënisë. Në ditët në vijim do të bëhet edhe një test ADN-je për të zbuluar atësinë e fetuesit./Opinion.al
