Zhdukje personi, vrasës të veshur me rroba policie, ekzekutime me një plumb të vetëm në kokë, porositës dhe mercenarë që vrasin pa gjurmë, pyetja që po lind a po përdor mafia në Shqipëri, teknikat e asgjësimit që klani i Totto Riinas, përdorte në vitet ‘70-’80 në Palermo.
Faktet janë domethënëse. Mjafton të marrësh në simbiozë dy ngjarje misterioze, atë të rrëmbimit të Enver Stafukës një vit më parë, i cili u rrëmbye dhe u prangos për të mos i gjetur më nga njerëz të veshur me uniforma policie dhe atë të rrëmbimit dhe ekzekutimit mbrëmjen e djeshme të Gazmend Çollakut, po nga njerëz të veshur me uniforma policie.
A nuk e eliminoi po kështu banda e Toto Riinas, bossin mafioz Michele Cavataio? A nuk janë format e ndëshkimit të mafies shqiptare të ngjashme me atë italiane. Mjaft të kujtojmë eleminimin e dy të rinjve Ervin Kodra dhe Endri Çaushaj, shok me Gazmend Çollakun, vetëm pak javë më parë.
Një atentat tipik mafioz, ku vrasësit qëllonin viktimat duke i ndjekur nëpër rrugët e qytetit, këmba-këmbës, me breshëri automatiku. A nuk është kjo një shenjë se mafia shqiptare ka tanimë fytyrën e saj, edhe pse një kopje në miniaturë e mafies italiane, ku duket se ka marrë teknikat më të egra të qërimit të hesapeve? Opinion.al / Dritan Laci
