Policia e Shtetit informoi sot për operacionin “Sundimi i Ligjit”, në zbatim të të cilit u vunë në pranga 25 persona.
Në pranga ranë 19 shtetas të shpallur në kërkim kombëtar dhe 1 shtetas i shpallur në kërkim ndërkombëtar, kryesisht për vepra penale kundër personit, pronës dhe në fushën e narkotikëve.
Ndërsa u arrestuan në flagrancë 5 shtetas, për armëmbajtje dhe posedim lëndësh narkotike.
Mësohet se, në qarkun e Tiranës janë arrestuar shtetasit: Fatmir Hoxha, Qazim Musteqja, Blerim Kullaj, Serxho (Jetmir) Dosku, Emilton Pjetri dhe Trazhgim Maçi, ndërsa janë kapur në flagrancë dhe Rubin Gjeta dhe Erjol Hajdari.
“Sundimi i ligjit”, 25 të arrestuar për tentativa vrasjeje, plagosje të rënda apo trafikim droge në rang vendi
Ndërkohë në Qarkun Dibër janë arrestuar shtetasit në kërkim ndërkombëtar: Mërgim Lazri, Elson Gjoka dhe Edison Shehu.
Në Qarkun Durrës janë prangosur të shpallurit në kërkim: Arbër Denizi dhe Shpëtim Sharra.
Në Qarkun e Fierit u arrestua Markos Berberaj.
Në Qarkun Shkodër u arrestua Kristian Fermosi.
Ndërkohë, në Qarkun Berat u arrestua Andjon Matarangasi.
Në operacion u përfshinë 1852 punonjës policie, nga Forcat e Sigurisë Kombëtare, Reparti Special “RENEA”, Drejtoria e Forcës së Posaçme Operacionale dhe strukturat e drejtorive vendore të Policisë.
Gjatë operacionit u sekuestruan gjithsej 9 armë, zjarri, sportive e gjahu, një mjet prerës dhe sasi e konsiderueshme municioni luftarak; lëndë narkotike cannabis sativa dhe kokainë, si dhe një shumë e konsiderueshme parash të përfituara nga veprimtaritë kriminale./opinion.al
