VLORE- Në prag të përvjetorit të vëllait të vrarë, pagoi 15 mijë euro për të marrë hakun e vrasjes. 56 vjeçari Mersin Alia nga Lebenica e Vlorës bashkë me autorët tek të cilët porosi vrasjen janë arrestuar. Bëhet fjalë për parandalimin e një vrasje me pagesë mbrëmjen e së martës në Lebenicë të Vlorës.
Të arrestuarit përveç Alias janë edhe Luka Sherifi (personi që do kryente vrasjen) dhe bashkëpunëtori i tij, Ledion Muho.
Sipas policisë vrasësi me pagesë prej ditësh survejonte banesën e 53 vjeçarit Lahe Jazaj dhe kishte bërë plan të hollësishëm për arratisjen pasi të realizonte krimin.
Policia sekuestroi armën e krimit një kallashnikov, maska, dorashka ushqimet e veshje rezervë dhe një skicë e banesës dhe e vendit nga do të largohej.
Djali 17 vjeçar i Lahe Jazajt një vit më parë u tentua të vritet me të njëjtën skemë. Histora e hasmërisë mes dy familjeve nisi më Maj të vitit 2013 kur Lahe Jazaj vrau vëllanë e porositësit Bujar Aliaj. Për këtë krim ai u dënua me 17 vite burg. /abcnews/
