Dy persona janë vrarë me armë zjarri mbrëmjen e sotme në fshatin Shaptej të komunës së Deçanit, në Kosovë. Gazeta Express bën të ditur se viktimat janë Burim Ramaj 33 vjeç dhe R.Ramaj. (personat ne foto)
Sipas mediave në Kosovë, shkak për vrasjen dyshohet të ketë qenë një konflikt i mëparshëm mes familjes Ramaj dhe familjes Lushaj në Deçan.
Mësohet se njëri prej viktimave, Burim Ramaj ka qenë delegat i Aleancës për Ardhmërinë e Kosovës, dhe ish-kryetar i Aleancës së të rinjve në fshatin Shaptej.
Policia e Kosovës ka arritur të identifikojë të dyshuarit kryesorë për vrasjen e dyfishtë në Deçan. Komandanti i Policisë në Deçan, Sejdë Dobraj ka thënë për Telegrafin se dy të dyshuarit për vrasjen e vëllezërve Ramaj, janë babë e bir, 50 dhe 25 vjeç. Policia ka vënë në pranga njerin prej tyre, S.Lushaj, ndërsa tjetrin e ka shpallur në kërkim.
