Shpëtim Shala, 39 vjeç, biznesmeni i vrarë në mesditë në zonën e Plazhit Iliria në Durrës, nuk ishte një emër i panjohur për policinë lokale. Sipas bluve të qytetit të Durrësit, Shala ishte me precedentë të mëparshëm penalë dhe rezulton i skeduar më herët për posedim lëndësh narkotike.
Shala është proceduar gjatë vitit 2011 për kultivim e trafikim narkotikësh pasi në një operacion policor në lokalin pronë e tij Bilardo pranë plazhit “Iliria” blutë sekuestruan një sasi cannabis.
Por për këtë procedim Shala kaloi një kalvar 4vjeçar me gjyqësorin shqiptar por gjithmonë në gjendje të lirë dhe në 2015 Gjykata e Lartë la në fuqi pafajësinë e dhënë nga Apeli i Durrësit dhe pse Prokuroria kish kërkuar dënimin e tij.
Shala rezulton i shoqëruar disa herë nga policia për ngjarje të ndryshme kriminale në Durrës, por asnjëherë përfshirja e tij direkte nuk është faktuar çka ka sjellë lënien e tij të lirë deri më 8 Maj 2016 kur dhe u ekzekutua në lagjen Iliria në plazhin e Durrësit.
Ndërkohë që Policia ka shoqëruar disa persona, dëshmitarë por edhe të dyshuar, të cilët mund të kenë dijeni për ngjarjen.
