Idriz Karriqi, 65 vjeç u përcoll sot në banesën e fundit nga familjarët. Ai u masakrua me thikë për 30 mijë lekë (të reja) mbrëmjen e së mërkurës por trupi i gjet mbrëmjen e djeshme (e enjte). Autori i krimit, një 24 vjeçar nga Gosa e Kavajës ka pranuar autorësinë. Policia tha ai është një përdorues droge, megjithëse familjarët e mohojnë duke thënë se ishte në depresion nga papunësia. Para oficerëve gjyqësore Musa Saraçi ka treguar se si i vuri thikën në fyt taksistit se nuk i dha 30 mijë lekë. Autori ka thënë se krimin e ka bërë për të grabitur dhe më pas shitur makinën e taksisit.
“I thashë taksistit të më çonte në fshatin Greth. Taksistin e çova në një rrugë të ngushtë fshati. Më kërkoi më shumë lekë se ndryshova rrugën. I thashë do të vras nëse nuk më jep 30 mijë lekë. Taksisti mu lut disa herë që të mos e vrisja. U kthyem nga rruga dhe u nisëm për në Kavajë. E detyrova të zbriste nga makina, ecëm në këmbë. E qëllova disa herë me thikë në një kodër me shkurre. E lashë aty viktimën, mora makinën rashë në kanal”, rrëfen Musa Saraçi, i njohur si përdorues droge.
Burime të policisë sqarojnë se gjatë lëvizjes automjeti ka rënë në një kanal. Pas kësaj 24-vjecari ka kontaktuar një banor të fshatit Greth, pronar i një pike grumbullimi automjetesh, të cilit i ka shitur taksinë për vetëm 30 mijë lekë të reja. Dëshmia e këtij të fundit ka ndihmuar policinë të identifikonte autorin e krimit.
Trupin e vrarë e hodhi në rrugë dhe në ikje nga vendi i krimit autori dëmtoi makinën e grabitur. Thirri shërbim privat karroatreci që kishte njëkohësisht në pronësi dhe një pikë varrezash makinash.
Policia ka arrestuar në të njejten kohe edhe Alush Batushën nga Rrogozhina, pasi është personi që ka blerë mjetin e viktimës kundrejt shumës 27 mijë lekë. Batusha e mori këtë makinë pa asnjë dokumentacion nga autori i vrasjes.
