Një ditë pas vrasjes së 41-vjeçarit Devi (Dëfrim) Kasmi në Tiranë mësohen detaje të reja rreth ngjarjes dhe autorit të mundshëm. Sakaq policia e Tiranës në vendin e ngjarjes gjeti dhe sekuestroi gjithsej 9 gëzhoja. Në vendngjarje u gjetën dhe 2 pistoleta, njëra në çantën e supit të viktimës dhe tjetra shumë pranë trupit të tij. Të dy armët kanë qene me fishekë.
41-vjeçarit Devi Kasmi iu bë atentat sapo doli nga pallati në Rrugën Kongresi i Manastirit, pranë QSUT-së. Dy persona me motor e kanë qëlluar për vdekje dhe janë larguar duke humbur gjurmët.
Ka dyshime se ai ka tentuar të vrasë Domart Konjarin në Spanjë. Konjari u plagos me 5 plumba por mbijetoi. Domart Konjari i liruar dy vite më parë nga Gjykata e Krimeve të Rënda për shkelje procedurale pasi rezultonte i dënuar në Francë me 10 vite burg. Policia thotë se e ka shpallur në kërkim Konjarin, si autor i dyshuar i vrasjes së 41-vjeçarit Devi Kasmi. Pista e hetimeve është: Konfliktet e trafikut të kokainës në Spanjë.
Sakaq, Devi Kasmi u hetua për vrasjen e Franc Konomit ngjarje e ndodhur në verën e 2010-ës, por asnjëherë nuk u gjetën prova. Pavarësisht se u hetua, Kasmi nuk u shoqërua asnjë moment në polici. Devi Kasmi më parë njihej si mik i Franc Konomit, por dyshimet e policisë ranë pas disa ngjarjeve që ndodhën në Spanjë ku u vranë dy persona.
Një piste tjeter qe po hetohet është për konfliktet e vjetra të bandës së rrugës “Bardhyl”. Fakti që iu gjetën dy pistoleta në brez, tregon se Devi Kasmi i ruhej një atentati të mundshëm.
Në foto: Domart Konjari
*Pamje nga vendi i ngjarjes
