Prokuroria e Shkodrës ka zbardhur të plotë të gjithë dinamikën e ngjarjen ku mbetën të vrarë dy vëllezërit Shkami në fshatin Drisht të Shkodrës, me datë 2 janar, të qëlluar nga shtetasi Aleksandër (Esat) Dushaj. Prokuroria ka zbardhur të gjitha lëvizjet e vëllezërve Shkami, që nga ardhja e tyre në Shqipëri, deri ditën kur u vranë nga Esat Dushaj, si edhe takimin e fundit që ata patën me atë që do të kthehej në vrasësin e tyre.
Ja zbardhja e plotë e ngjarjes nga Prokuroria
“Me date 02.01.2016 është marrë informcion se në fshatin Drisht të njësise Administrative Postribë janë vrarë me armë zjarri dy shtetas e pikërisht shtetasit Abdulla Shkambi dhe Skënder Shkambi që të dy banues në fshatin Drisht.
Nga veprimet e kryera në vendin e ngjarjes janë gjetur kufomat e shtetasve Abdulla Shkambi dhe Skënder Shklambi. Gjithashtu në vendgjarje janë gjetur dhe sekuestruar në cilësië e proves 5 (pesë) gëzhoja model 56 , kalibër 7.62 një predhe dhe një fishek.
I pyetur në hetim në lidhje me këtë ngjarje shtetasi Rexhep Guri (Shkambi), vëllai i viktimave deklaron se ai së bashku me familjen e tij jeton në Angli prej rreth 15 vitesh. Gjithashtu dhe vëllai i tij viktima Skënder Shkambi jeton së bashku me familjen e tij në Angli. Me datë 20.12.2015 ai së bashku me Skënderin kanë ardhur nga Anglia për të festuar festën e Vitit të Ri tek nëna e tyre dhe vëllezërit e tjerë që jetojnë në Shqipëri dhe do të ktheheshin në Angli me datë 03.01.2016.
Me datë 02.01.2016 rreth orës 09.30 minuta ai së bashku me katër vëllezërit e tjerë të tij kanë shkuar për të pirë kafe tek djali i dajës së tyre, pasi ai martonte vajzën. Pasi kanë pirë kafen ai së bashku me Skënderin dhe Abdullahin janë nisur për të shkuar tek banesa e tij ndërsa dy vëllezërit e tjerë kanë shkuar për vizitë në fshatin Dragoç tek një mik i tyre.
Ky shtetas deklaron se nga fshati Dushaj deri poshtë shtëpisë së tyre i kishte përcjellë me makinë djali i dajës. Pasi kanë zbritur nga makina, Skënderi së bashku me Abdullain janë ndaluar për ti marrë disa rroba shtetasit B.D. të cilat do ja dërgonte djalit të tij në Angli. Në kohën që këto kanë qëndruar me B.D., ai ka vazhduar rrugën në këmbë për tek banesa e tij.
Duke qenë se dy vëllezërit po vononit të shkonin në shtëpi ai ishte bëre merak dhe ka marrë në telefon Skënderin, të cilin e ka pyetur se përse po vonohej. Skënderi i është pergjigjur se ishin ndaluar në rrugë duke biseduar me shtetasin Esat (Aleksandër) Dushaj. Në këtë kohë Rexhepi i ka thënë se a të vi dhe unë dhe ai i është pergjigjur: Eja.
Ka dalë menjëherë nga shtëpia e nënës së tij per t’u nisur në drejtim ku ishin vëllezërit e tij por në këtë kohe ka dëgjuar disa krisma arme rreth 7-8 krisma njëra pas tjetrës si dhe ka parë shtetasin Esat Dushaj i cili po largohej me shpejtësi i cili kishte dhe një armë automatik në dorë si dhe ka parë dy vëllezërit e tij Skënderin dhe Abdullain të shtrire në tokë të cilët kishin vdekur në vend.”
