Një ngjarje e rëndë ka ndodhur në Dragoç të Postribës në Shkodër, ku një 33-vjeçar i identifikuar si Ramazan Matajështë vrarë me armë zjarri brenda një makine.
Policia njofton se ngjarja ka ndodhur rreth orës 07:15 në rrugën e fshatit Dragoç.
Sipas bluve, automjetit tip “Benz” që drejtohej nga 33-vjeçari është qëlluar me armë zjarri, ku për pasojë ka humbur jetën drejtuesi i saj.
Kanë qenë banorët që kanë parë personin e pajetë brenda automjetit dhe kanë lajmëruar policinë, e cila ka mbërritur në vendngjarje.
NJOFTIMI I POLICISË:
Shkodër/Informacion paraprak – Rreth orës 07:15, në fshatin Dragoç, në rrugë, është qëlluar me armë zjarri në drejtim të automjetit tip Benz, me drejtues shtetasin R. M., 33 vjeç, banues në Dragoç, Shkodër, i cili ka humbur jetën.
Në vendngjarje kanë shkuar shërbime të shumta të Policisë dhe Forca Kombëtare e Sigurisë, Njësia Shkodër.
Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.
