Policia e Shkodrës ka identifikuar autorin e vrasjes së 42-vjeçarit Genc Mhillaj në fshatin Mali Jushit. Ai është 21-vjeçari Jozef Mujeci, banues në Lezhë (personi në foto). Motivi i vrasjes dyshohet të jetë për shkaqe banale. Dy dite me pare ata kane patur nje konflikt ne fshatin Torovicë, ku viktima ka rrahur 21 vjecarin. Ndërkohë janë ngritur disa pika kontrolli po bëhet dhe krehja e zonës me qëllim kapjen e tij dhe te bashkepunetoreve ne krim.
Viktima, Genc Mehillaj, po udhëtone me makinën të ngarkuar me miell nga Torrovica në fshatin Mali i Jushit kur autorët i prenë rrugën. Ai ka zbritur dhe ka tentuar të ikë me vrap, por ata e kanë ndjekur dhe vrarë në parcelë te Ish-Orizoret.
***
Po sot në fshatin Vreshtas të Korçës u vra 44-vjeçari Besnik Bazelli. Ai ishte rrahur barbarisht nga 28-vjeçari, K. Lika, banore i të njejtit fshat. Konflikti mes tyre kishte nisur për motive të dobëta. Viktima ka 3 fëmijë jetim, ndërsa xhaxhi i tij ka sqaruar për mediat se autori ishte person problematik në fshat.
Po keshtu, ai tha se sherri ka lindur pasi 28 vjeçari Lika kishte vjedhur disa here ne dyqanin e nipit te tij qe mbeti viktime e dhunes çnjerezore. Policia arriti ta prangosë autorin e krimit të rëndë në Korçë.
