Një borxh i pashlyer dyshohet se ka qenë motivi i vrasjes së Angjelin Shkambit mëngjesin e së dielës pranë varrezave në Grudë të Shkodrës.
Autori i dyshuar i vrasjes është Artan Koçeku, një i dënuar me burg për vjedhje, i cili ishte duke shlyer dënimin në burgun e Fushë Krujës. Por ndërsa kishte marrë leje nga institucioni i riedukimit, Koçeku ka marrë gjithë masat të kryejë një tjetër krim.
Ai ka ekzekutuar me dy plumba pistolete, njërin në kokë dhe tjetrin në trup Angjelin Shkambin i cili u gjet i pajetë në automjetin e tij tip Benz, mëngjesin e së dielës.
Edhe viktima, kishte qenë i dënuar më parë për trafikimi dhe kultivim narkotikësh dhe kishte dalë nga burgu në prill të këtij vitit.
Policia eshte ne kerkim te autorit te ngjarjes.
