Policia e Shkodrës ka arrestuar një nga personat e përfshirë në vrasjen e 33-vjeçarit Valter Fierza. Në pranga ka rënë Paulo Mhilli, vëllai i autorit të dyshuar Klaudio Mhilli.
Ndërkohë, autori vijon të jetë në kërkim së bashku me 3 persona të tjerë.
“Si rezultat i kërkimeve intensive, kontrolleve të vazhdueshme dhe veprimeve të shpejta operacionale, specialistët për Hetimin e Krimeve të Drejtorisë Vendore të Policisë Shkodër dhe ata të Forcës së Posaçme “Shqiponja”, lokalizuan, kapën dhe vunë në pranga shtetasin e shpallur në kërkim P. M., 22 vjeç, banues në fshatin Hot i Ri.
22-vjeçari dyshohet se ka qenë i përfshirë në një konflik të çastit, jashtë një lokali në fshatin Hot i Ri, ku mbeti i vrarë shtetasi V. F., 33 vjeç. Vijojnë kërkimet për kapjen e 4 shtetasve të tjerë të shpallur në kërkim për këtë ngjarje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”-njofton policia.
