Janë zbuluar detaje të reja në lidhje me vrasjen e 42-vjeçarit Nikolin Marku Lekstakaj në Lezhë.
Mësohet se në momentin e atentatit, viktima ka qenë në shoqërinë e vëllait të tij Bledar Lekstakaj.
Dyshohet se kanë qenë dy ekzekutorë të cilët kanë qëlluar në drejtim të 42-vjeçarit, i cili kishte ndaluar në një market ku sapo kishte blerë një pije freskuese.
Po kështu mësohet se viktima bënte lëvizje të kufizuara prej kohësh, por sidomos pas vrasjes së biznesmenit Ardian Nikulaj, më 19 prill të këtij viti.
Dyshohet se pikërisht hakmarrja është motivi i vrasjes së sotme, që ndodhi 3 muaj pas asaj të Nikulajt. Policia është vënë në ndjekje të autorëve, teksa ka ngritur postblloqe të shumë dhe po kreh zonën në kërkim të tyre.
