Është gjetur një makinë e djegur në Gjader, e cila dyshohet se është përdorur në vrasjen e 42-vjeçarit Nikolin Lekstakaj pasditen e djeshme në fshatin Balldren ë Lezhë.
Brenda automjetit të djegur është gjetur dhe një armë zjarri tip kallashnikov, e cila dyshohet se është përdorur nga autorët gjatë atentatit.
Nga verifikimet e autoriteteve, ka rezulatuar se makina ka qenë e vjedhur.
Nikolin Lekstakaj u ekzekutua me breshëri kallashnikovi nga persona të paidentifikuar sapo doli nga një market.
Autorët qëlluan nga një makinë në lëvizje dhe këtë e vërtetojnë edhe mbetjet e xhamave të thyer që makina me të cilën ata lëviznin la në vendngjarje.
Hetuesit besojnë se ngjarja mund të jetë hakmarrje pas vrasjes së Ardian Nikulaj 3 muaj më parë. Fisi Lekstakaj ka qenë në një konflikt të hershëm që ka sjellë edhe viktima me fisin Nikulaj.
Por gjithsesi policia dhe grupi hetimor nuk kanë dalë ende në përfundimin nëse vrasja është vazhdim i këtij konflikti apo jo.
