Dosja “e grupit të zjarrit” do të hetohet nga fillimi, 2 vite prej vrasjes së efektivit të RENEA-s në Lazarat. Vendimi është marrë sot nga Gjykata e Krimeve të Rënda, pas ankesës së avokatit të Elvis Bocia, njërit prej 11 të akuzuarve.
Gjykata e Krimeve të Rënda vendosi të rikthejë për gjykim nga fillimi dosjen e lazaratasve, që akuzohen për vrasjen e policit të RENEA-s Ibrahim Basha.
Edhe pse procesi ndaj këtyre të pandehurve ishte drejt fundit kërkesa e avokatit për pavlefshmërinë e provave bëri të ndryshojë gjithë rrjedha e procesit.
Sipas avokatit, i pandehuri Elvis Bocia është ngatërruar me një person tjetër nga prokuroria dhe për këtë fakt u kërkua pavlefshmëria e akteve të hetimit.
Kërkesa u pranua nga gjykata e cila dhe riktheu çështjen nga fillimi, edhe pse prokuroria dhe avokatët e tjerë kishin lexuar konkluzionet përfundimtare.
11 të pandehurit nga Lazarati akuzohen se kanë kijuar një grup të strukturuar kriminal dhe në kuadër të tij kanë qëlluar edhe efektivët e RENEA-së duke vrarë Ibrahim Bashën brenda në makinën e policisë në qershor të 2015-es.
